Архив ісі мен іс жүргізу: Мамандардың біліктілігін арттыру семинары өтті…

Архив ісі мен іс жүргізу: Мамандардың біліктілігін арттыру семинары өтті

🗓 2026 жылдың 12 ақпан Шымкент қалалық мемлекеттік архивінде қалалық мекемелердің іс жүргізуге жауапты мамандарына арналған «Іс жүргізу және архив ісі» тақырыбында әдістемелік семинар ұйымдастырылды.
Семинарға Шымкент қаласы бойынша Мемлекеттік кірістер департаменті оған қарасты аудандық кірістер басқармалары, Медициналық және фармацептикалық бақылау комитетінің Шымкент қаласы бойынша департаменті, Шымкент қаласы денсаулық сақтау басқармасы және оған қарасты мекемелерінің жауапты қызметкерлері қатысты.
📌 Жиын барысында:
🔹 Мекеме басшысының орынбасары Б. Есқараев семинардың негізгі мақсатын түсіндірді.
🔹 Ұлттық архив қорын толықтыру бөлімінің басшысы Б. Шыңғысбекова мекемелердегі құжат айналымы мен архив ісінің бүгінгі жай-күйіне талдау жасады.
🔹 Ж. Кукебаева «Ұлттық архив қоры және архивтер туралы» Заң талаптарын түсіндірсе, А. Абдрасилова құжат айналымын ұйымдастыру тәртібі туралы баяндады.
Сонымен қатар, Шымкент қалалық тілдерді оқыту-әдістемелік орталығының маманы А.Жұмаева «Мемлекеттік тілде ісқағаз жүргізу» тақырыбында маңызды ақпараттармен бөлісті.
✅ Семинарда ҚР Мәдениет және ақпарат министрлігі бекіткен Үлгілік қағидалар негізінде істер номенклатурасын түзу, құжаттарды ресімдеу және сараптау комиссиясының жұмысы кеңінен талқыланды.

Қатысушылар көкейдегі сұрақтарына жауап алып, өзара тәжірибе алмасты